"Yuventus"da yeni futbolçu

"Yuventus" sıralarına yeni futbolçu cəlb edib.

Bu haqda məlumatı klubun mətbuat xidməti yayıb.

Turin klubu Fransa millisinin və PSJ-nin hücumçusu Randal Kolo Muanini transfer edib. 26 yaşlı futbolçu mövsümün sonunadək icarə əsasında Turin təmsilçisinin formasını geyinəcək. "Ağ-qaralar" sonradan müəyyən məbləğ ödəməklə onun transfer hüquqlarına da yiyələnə biləcəklər.

Qeyd edək ki, Kolo Muani cari mövsüm Paris təmsilçisinin heyətində bütün turnirlərdə 14 matça çıxaraq 2 qol və 1 məhsuldar ötürmə ilə yadda qalıb.