Ulduzlar Liqasının Rəsmi Qərarı

Ulduzlar Liqasının daxili əsasnaməsinə uyğun olaraq, liqada yalnız həvəskar futbolçuların iştirakı mümkündür. Azərbaycan Premyer Liqası və Birinci Divizion Liqalarında son dörd mövsümdə (2020/21, 2021/22, 2022/23, 2023/24) çıxış etmiş oyunçuların liqada oynaması qəti qadağandır.

Ulduzlar Liqası 2024/25 mövsümünün transfer pəncərəsində Əvilə FK tərəfindən transfer edilən Amil Cabbarlının statusu ilə bağlı 145 Group komandasının kapitanı Ruslan Zeynalov tərəfindən AFFA-ya rəsmi şikayət ünvanlanmışdır. Araşdırmalar nəticəsində təsdiqlənmişdir ki, Amil Cabbarlı 2023/24 mövsümündə Birinci Divizionda Difai FK-nın heyətində çıxış etmişdir.

Qeyd olunan fakta əsasən, oyunçunun peşəkar statusunu təsdiq edən video sübutlar və müqavilə sənədləri arxivə əlavə edilmişdir. Zərurət yarandığı halda, müvafiq qaydalara uyğun şəkildə yalnız komandanın kapitanı və ya rəsmi nümayəndəsi tərəfindən baxılması mümkündür.

 Qərar:

Əvilə FK Ulduzlar Liqasının 2024/25 mövsümündən diskvalifikasiya edilir.
145 Group komandası birbaşa yarımfinal mərhələsinə vəsiqə qazanır.
   Gələcəkdə bu kimi halların təkrarlanmaması üçün komandaların transfer siyasəti üzərində nəzarət gücləndiriləcəkdir.

Bu qərar liqanın həvəskar statusunun qorunması, ədalətli rəqabət prinsiplərinin təmin olunması və digər iştirakçı komandaların hüquqlarının müdafiəsi məqsədilə qəbul edilmişdir.

 Ulduzlar Liqasının İdarə Heyəti