NİZAM-İNTİZAM KOMİTƏSİNİN RƏSMİ QƏRARI
ULDUZLAR LİQASI
NİZAM-İNTİZAM KOMİTƏSİNİN
RƏSMİ QƏRARI
Oyun: 145 Group – Əvilə
Tarix: 26/01/2025
Saat: 18:00
Ulduzlar Liqasının Nizam-İntizam Komitəsi 26 yanvar 2025-ci il tarixində baş tutmuş 145 Group – Əvilə oyunu ilə bağlı araşdırmanı tamamlayaraq yekun qərarını açıqlayır.
Oyun bitməsinə 7 dəqiqə qalmış ciddi nizam-intizam pozuntuları səbəbilə dayandırılmışdır. Belə ki, Əvilə komandasının bir qrup azarkeşi və bəzi oyunçuları hakimin qərarına qarşı aqressiv şəkildə etiraz edərək onun üzərinə hücum çəkmiş, fiziki təsir göstərməyə cəhd etmişdir. Bu hal liqa qaydalarına və idmanın əsas prinsiplərinə tamamilə ziddir və qəti şəkildə yolverilməzdir.
Məsələ ilə bağlı aparılan araşdırma və video görüntülərin təhlili nəticəsində aşağıdakı qərarlar qəbul edilib:
Əvilə komandasının oyunçusu Hacıyev Əbülfəz Rəsul oğlu oyundakı aqressiv davranışları və hakimi təhdid etməyə çalışması səbəbilə qırmızı kartla cəzalandırılmış və 5+4 (ümumilikdə 9) oyunluq diskvalifikasiya tətbiq edilmişdir.
145 Group komandasının oyunçusu Quliyev Vüsal Firdovsi oğlu hakimi itələyərək fiziki təmasda olması səbəbilə qırmızı kartla cəzalandırılmış və 5+4 (ümumilikdə 9) oyunluq cəza almışdır.
Əvilə komandasına 19 oyunluq azarkeş qadağası qoyulmuşdur. Həmin müddət ərzində komandanın heç bir oyununda azarkeşlərin iştirakı icazəli olmayacaqdır.
Qırmızı kart alan oyunçular və ümumiyyətlə iştirak ərizəsində olmayan şəxslərin meydana daxil olması qəti şəkildə qadağan edilir.
Oyun yarımçıq dayandırıldığı vəziyyətdən – son 7 dəqiqədən etibarən davam etdiriləcəkdir.
Ulduzlar Liqası bildirir ki, hakimlərə qarşı hər hansı aqressiya, təhdid və fiziki təsir cəhdləri ən sərt şəkildə cəzalandırılacaqdır. Futbolun əsas prinsiplərindən biri fair-play (ədalətli oyun) anlayışıdır və bu prinsiplərə hörmət etməyən istənilən oyunçu və ya komanda liqadan kənarlaşdırılmaq təhlükəsi ilə üzləşəcəkdir.
Nizam-İntizam Komitəsi bir daha bütün komandaları və oyunçuları liqanın qaydalarına ciddi şəkildə əməl etməyə, idmanın ruhuna və etik qaydalarına hörmət göstərməyə çağırır. Ulduzlar Liqası nizam-intizam məsələlərinə prinsipial yanaşır və qayda pozuntularına heç bir güzəşt edilməyəcəkdir.