“Qarabağ” - FCSB oyununun biletləri satışda

UEFA Avropa Liqasının Liqa mərhələsinin 7-ci turunun “Qarabağ” - “FCSB" (Rumıniya) oyununun biletləri yanvarın 13-ü saat 12:00-dan etibarən satışa çıxarılacaq.

Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir. 

VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.

Satış məntəqələri:

- iTicket.az-ın satış məntəqələri (iTicket.az-da onlayn satış);

-  Park Bulvardakı “Qarabağ” FK-nın Fan-Şopu;

-  Tofiq Bəhramov adına Respublika stadionunun kassaları.