Lebron Ceyms: "Mənim də 6 çempionluq üzüyüm ola bilərdi"

"Los Anceles Leykers"in hücumçusu Lebron Ceyms niyə Milli Basketbol Assosiasiyasının (NBA) altıqat çempionu ola bilmədiyini açıqlayıb.

O deyib: “Stiven Karri, Kevin Durant və Draymond Qrin olmasaydı, indi 6 çempionluq üzüyüm ola bilərdi. Amma biz hamımız elə bir vəziyyətə düşdük ki, bir-birimizə görə daha çox üzük əldə etmək fürsətini əldən verdiyimizi hiss etdik”.

Xatırladaq ki, Lebron Şimali Amerika Liqasının dördqat çempionudur. Ceyms "Mayami Heat" ilə 2 dəfə, "Klivlend Kavaliers" və "Los Anceles Leykers"in hər biri ilə isə 1 dəfə qalib olub.