Ulduzlar Liqasında Daha Bir Möhtəşəm Mövsüm

Ulduzlar Liqasında Daha Bir Möhtəşəm Mövsümə Nöqtə Qoyuldu! 

6 ay boyunca davam edən gərgin mübarizə, 10 komandanın çempionluq uğrunda savaşdığı unudulmaz anlar və sonda tarix yazan final!

Ulduzlar Liqasının 8-ci mövsümü futbolsevərlərə böyük həyəcan yaşatdı. Uzun illərdir həvəskar futbolun inkişafı üçün çalışan liqa, bu mövsümdə də yüksək təşkilatçılığı və rəqabət dolu qarşılaşmaları ilə fərqləndi.

Mövsümün zirvəsində Buxar FK qərarlaşdı! Finalda 145 Group-la qarşılaşan Sumqayıt təmsilçisi, əsas vaxtı 2-2 tamamlayaraq penaltilər seriyasında çempion oldu!

Beləliklə, Ulduzlar Liqası tarixində ilk dəfə çempionluq kuboku Sumqayıta getdi!

Bütün komandaları, futbolçuları və azarkeşləri möhtəşəm mövsümə görə təbrik edirik! Növbəti mövsümdə yenidən görüşmək ümidi ilə!