Dünyanın ən gənc şahmat çempionu

Bu gün Sinqapurda təşkil olunan şahmat çempionatı turnirinin sonuncu-14-cü oyunu keçirilib.

UFL.az xəbər verir ki, son qarşılaşmada hindistanlı qrossmeyster Dommaracu Qukeş şahmat tacı uğrunda görüşdə çinli Din Lirenə qalib gələrək dünya çempionu olub. 18 yaşlı şahmatçı yekunda 7,5:6,5 hesablı qələbəyə sevinib.

Beləliklə, D.Qukeş 18-ci dünya çempionu olub. O, şahmat tarixinə ən gənc dünya çempionu kimi düşüb.

Qeyd edək ki, Dommaracu 1985-ci ildə 22 yaşında titul qazanan 13-cü dünya çempionu Harri Kasparovun rekordunu yeniləyib.