"Bavariya"nın "radar"ına düşən yeni qolkiper

İngiltərənin "Liverpul" və Türkiyənin "Beşiktaş" klubunun sabiq qapıçısı Loris Karius karyerasını Almaniyada davam etdirə bilər.

UFL.az xəbər verir ki, bu haqda "Bild" nəşriyyatı xəbər yayıb. Məlumata görə təcrübəli qapıçı, "Bavariya" klubunun maraq dairəsində yer alıb.

Münhenlilərin əsas qolkiperi Manuel Noyerin zədəli olması və ikinci qapıçı Sven Ulrayxın şəxsi səbəblərə görə meydana çıxa bilməməsi "Bavariya" rəhbərliyini düşündürür.

Qeyd edək ki, 31 yaşlı Karius azad agent statusu daşıyır.