"Bavariya" əfsanənin formasını əbədiləşdirdi

Almaniyanın "Bavariya" klubu Frans Bekenbauerin xatirəsini əbədiləşdirmək qərarına gəlib.

Bundesliqa təmsilçisi əfsanəvi müdafiəçinin geyindiyi 5 nömrəli formanı əbədiləşdirib. Bundan sonra komandada heç kim bu formanı geyinməyəcək.

Qeyd edək ki, Frans Bekenbauer 1945-2024-cü illərdə yaşayıb. O, yetirməsi olduğu "Bavariya"nın əsas komandasında 13 il çıxış edib.