UFC prezidenti Donald Trampın andiçmə mərasimində

UFC-nin rəhbəri Dana Uayt Vaşinqtonda Amerika Birləşmiş Ştatlarının (ABŞ) 47-ci prezidenti Donald Trampın andiçmə mərasimində iştirak edib.

Onun mərasimdən fotoları yayılıb.

Donald Tramp və Dana Uayt arasında uzun illərdir dostluq münasibəti var. 2016-cı ildən isə Dana Respublikaçılar Partiyasının qurultaylarında çıxış edərək Donalda siyasi arenada kömək edir. Uayt da bütün seçki kampaniyası boyunca Trampı dəstəkləyib.

Xatırladaq ki, Donald Tramp 60-cı prezident seçkilərində qalib gəlib. O, əvvəlki səlahiyyət müddəti bitdikdən 4 il sonra ABŞ-ın prezidentliyinə qayıdır.