"Sumqayıt" Vaqif Cavadovu seçdi

“Sumqayıt” Futbol Klubunda Müşahidə Şurasının növbəti iclası keçirilib. 

İclasda komandanın ötən ildə əldə etdiyi uğurlara toxunulub.

Daha sonra isə hazırda komandanın müvəqqəti baş məşqçisi funksiyasını icra edən Vaqif Cavadovun işi qənaətbəxş hesab olunub və onunla daimi əsaslı müqavilə bağlanılması qərara alınıb. 

Cavadov qarşıdakı 2,5 il müddətində “Sumqayıt” FK-nın baş məşqçisi təyin olunub.

Xatırladaq ki, 2024-cü ilin oktyabrında “Sumqayıt”a müvəqqəti baş məşqçi təyin edilən Cavadovun rəhbərliyi dövründə komanda bütün turnirlərdə 10 oyun keçirib. Bu matçlarda “Sumqayıt” 5 qələbə qazanıb, 4-də uduzub, 1 görüşdə isə heç-heçə edib.