"Şamaxı" - “Qarabağ” oyununun yeri dəyişdirilib

Peşəkar  Futbol Liqasının qərarı ilə Premyer Liqanın 19-cu turunun "Şamaxı" - “Qarabağ” oyununun yeri dəyişdirilib.

Bu barədə PFL məlumat yayıb. Məlumatda bildirilib: “Qarabağ” klubunun müraciəti, “Şamaxı” klubunun razılığı, Peşəkar  Futbol Liqasının qərarı ilə “Qarabağ”  klubunun Avropa Liqasının Liqa mərhələsindəki vacib qarşılaşmaya daha yaxşı hazırlaşması məqsədilə 3-cü dövrənin “Şamaxı” – “Qarabağ”  oyunu ilə 4-cü dövrənin “Qarabağ”  - “Şamaxı” oyunlarının yeri dəyişdirilib.

Klubların əvəzedici heyətlərinin təqvim oyunları ilə bağlı dəyişiklik yoxdur".