Müller Ronaldonun uğurunu təkrarlayıb

"Bavariya" klubunun futbolçusu Tomas Müller Çempionlar Liqasında ötən gecə uğurlu oyunu ilə yadda qalıb.

O, Kriştiano Ronaldo və Rayan Giqqzin nailiyyətini təkrarlayıb. 35 yaşlı oyunçu "Şaxtyor"la matçda (5:1) fərqlənməklə nail olub.

Müller, Ronaldo və Giqqz ardıcıl olaraq ÇL-də ən azı bir qol vurmaqla 16 mövsüm keçiriblər. Yalnız Lionel Messi və Kərim Benzema 18 mövsümdə fərqləniblər.

Qeyd edək ki, Tomas Müller cari mövsüm bütün yarışlarda 20 qarşılaşmada iştirak edib, 4 qol və 3 məhsuldar ötürmə ilə yadda qalıb.