Messi ilin ən yaxşı futbolçusu seçildi

"İnter Mayami"nin futbolçusu Lionel Messi ABŞ çempionatında ilin ən yaxşı oyunçusu seçilib. 

Bu barədə MLS-in mətbuat xidməti məlumat yayıb. 37 yaşlı hücumçu 38,43 faiz səs toplayıb. 

2-ci yerdə "Kolambus"un futbolçusu Kuço Hernandes 33,7 faiz səslə qərarlaşıb. 

Mükafatın qalibi futbolçular, klubların texniki heyəti və media nümayəndələri tərəfindən seçilir. 

Qeyd edək ki, Lionel Messi bu mövsüm "İnter Mayami"nin heyətində 22 oyuna çıxaraq 21 qol vurub və 11 qolun ötürməsini edib.