Elmar Baxşıyev: "Futbolda bəzən belə olur"

"Araz-Naxçıvan"ın baş məşqçisi Elmar Baxşıyev Misli Premyer Liqasının 17-ci turunda doğma meydanlarında "Sabah"a 0:1 hesabı ilə uduzduqları oyundan danışıb.

O, görüşdən sonra keçirilən mətbuat konfransında deyib: "Maraqlı oyun alındı. Hər iki komanda meydanda ən yaxşısını etməyə çalışırdı. Oyundan məmnunam, komandam meydanda istədiyimi verməyə çalışdı. Futbolda bəzən belə də olur: üstün oynayırsan, qol epizodları yaradırsan, amma məğlub olursan. Bu oyunu unudub, qarşıdakı matçı fikirləşmək lazımdır. Oyun da göstərirdi ki, hansı komanda qol vursa, o da qələbə qazanacaq".