“Araz-Naxçıvan”ın məğlubiyyətsizlik seriyası qırılıb

“Araz-Naxçıvan”ın məğlubiyyətsiz oyunlar seriyası qırılıb. 

Elmar Baxşıyevin yetirmələri Misli Premyer Liqasının 17-ci turunun “Sabah”la ev matçında 0:1 hesabı ilə uduzublar.

Naxçıvan təmsilçisi sonuncu dəfə avqustun 2-də “Qarabağ”a 1:4 hesabı ilə məğlub olmuşdu. 134 gündən sonra uduzan komanda bu müddətdə 15 qarşılaşmada 12 qələbə qazanıb və 3 heç-heçə edib.

Klub tarixinin rekorduna imza atan “Araz-Naxçıvan” ölkə çempionatları tarixində ən azı 15 oyun uduzmayan 13-cü komanda olub. Bu, 37-ci belə seriyadır.